Armando Broja është duke e vazhduar jehonën e tij të madhe në mediat më prestigjoze të Europës falë statistikave mbreslënëse te Viteshe dhe faktit që i përket një ekipi si Chelsea.
Sulmuesi shqiptar ka arritur që të shënojë 5 gola dhe të fitojë vendin e titullarit te ekipi holandez që ka një nga nisjet më të mira në histori, duke mbajtur vendin e dytë pas Ajaksit.
Ndërkohë së fundmi është “Calciomercato” e cila ka bërë një artikull për Brojën, duke treguar idhullin e tiij, Ronaldo fenomenin, megjithëse kërkon që të eci në rrugën e Didier Drogba te Chelsea.
“Babai i tij Xhevahiri e rriti atë duke e ushqyer me video të Ronaldos fenomenit.
Nëse Armando Broja një ditë do të jetë në gjendje që të përsëris një pjesë të magjive që bënte idhulli I tij i futbollit ose të merrte rrugën e një farë Didier Droga te Chelsea, shumë merita do t’i jepen këmbënguljes së prindërve. Vjen nga Shqipëria dhe u transferuan në Londër për arsye pune, ku Armando i vogël filloi të kultivonte pasionin për futbollin dhe Chelsea. Tashmë Broja mburret me 5 golat e shënuara në këtë fillim sezonit, duke fituar edhe ftesën e Shqipërisë.
Nën kontratë me Chelsea deri në vitin 2022, ëndrra e tij është të kthehet dhe të vendoset në Premier League, ndoshta nën urdhrat e Lampard. Dhe sigurisht, duke u përpjekur që të vjedh disa sekrete më tepër nga fenomeni Ronaldo në Youtube”, shkruhet në artikull.
