‘Çmenden’ serbët shkaku i Kosovës, i quajnë spanjollët ‘vëllezër të përhershëm’!
@Vëllezërit e të gjitha kohëve: Spanjollët refuzojnë të luajnë kundër shtetit të rremë të Kosovës!?”, shkarravit me këtë titull mediumi serb ‘SportExtra’, që ka përshkruar tentativat e Spanjës që të mos lejojë Kosovën të luaj me simbolet e veta shtetërore në kualifikimet e kampionatit botëror ‘Katari 2022’.
Të hënën e kaluar, Kosova u caktua në grupin B së bashku me Spanjën, Gjeorgjinë, Greqinë dhe Suedinë.
Tre nga këto shtete nuk e pranojnë pavarësinë e Kosovës, por asnjëra nuk ka qenë e zëshme për të kundërshtuar ballafaqimin sikur Spanja.
Çështja ka shkuar aq lartë, sa që ministrja e Punëve të Jashtme, Arancha González Laya, deklaroi se shteti spanjoll do të negociojë me FIFA-në për të shikuar mundësinë për të mos lejuar përfaqësimin e shtetit tonë me flamur e himn.
