Sonte u luajt ndeshja ndërmjet Manchester United dhe Manchester City, në kuadër të xhiros së 12-të të Premierligës.
Menaxheri i Manchester United, Ole-Gunnar Solskjaer, ka folur për performancën e ekipit të tij, në intervistën pas ndeshjes ndaj Manchester City.
Takimi mbaroi me barazim, norvegjezi u shpreh i kënaqur me performancën por jo me rezultatin.
‘Ishte një ndeshje e ngushtë, e di që i kemi mundur herën e fundit, por kjo ndeshje ishte ndryshe, i mbajtëm jasht zonës tonë. Ne patëm raste por nuk patëm fat, Rashford u gjet për pak në offside’, tha 47 vjeçari.
‘Më pëlqeu performanca, përgjithësisht barazimi ishte rezultat i drejtë edhe pse jemi të zhgënjyer’, tha ai.
Në fund gazetari bëri një pyetje interesante për norvegjezin të cilin e pyeti se a është gota gjysmë e mbushur apo gjysmë e zbrazur
‘Gjithmonë gjysmë e mbushur me mua, kjo është mënyra se si duhet ta shohësh, në kohën time kundër Cityt, kjo është performanca më e mirë, jo rezultati, por performanca’, përfundoi Ole-Gunnar Solskjaer.
