Prishtina ka shënuar fitore të madhe me rezultat 2:1 në çastet e fundit kundër Ballkanit nga Theranda, në kuadër të javës së fundit të stinorit vjeshtor të elitës së futbollit të Kosovës.
Në minutën e 45+1, Otto John nga afërsia realizon për epërsinë 1:0 në favor të Prishtinës. Nuk ka zgjatur shumë gëzimi, në minutën e 45+6, Ballkani barazon rezultatin me anë të kapitenit Visar Berisha.
Në minutën e 89-të, Leotrim Kryeziu pengohet në mënyrë të palejueshme dhe gjyqtari akordon penallti për Prishtinën. Besnik Krasniqi është i saktë nga penalltia dhe i siguron fitore të madhe Prishtinës, me rezultat 2:1.
Kryetrajneri i Prishtinës, Zekirija Ramadani, është sikur në qiellin e shtatë, për faktin se kjo fitore i shton edhe më shumë gjasa në luftë për titullin e kampionit.
Drita udhëheq renditjen me 39 pikë, pasojnë Ballkani 38, Prishtina 31, Gjilani 26 pikë etj.
Superliga e Kosovës
Llapi-Feronikeli 3:2
Prishtina-Ballkani 2:1
Besa-Gjilani 1:2
Nesër
Drita-Arbëria 13.00
Trepça '89-Drenica 13.00
Tabela
1. Drita 16 12 3 1 28:11 39
2. Ballkani 17 12 2 3 43:21 38
3. Prishtina 17 9 4 4 25:11 31
4. Gjilani 17 7 5 5 14:16 26
5. Feronikeli 18 5 8 5 22:16 23
6. Llapi 18 6 2 10 21:23 20
7. Arbëria 17 6 2 9 16:19 20
8. Trepça ’89 17 6 2 9 19:27 20
9. Drenica 17 5 3 9 11:25 18
10. FC Besa 18 1 3 14 13:43 6
Në pranverë, në javën e 19-të takohen: takohen: Trepça '89-Arbëria, Feronikeli-Gjilani, Besa-Ballkani, Prishtina-Drenica dhe Drita-Llapi.
