Ibraimi: Nexhipi më tha se nuk duhet të mbyllja karrierën pa luajtur në Shqipëri

Futboll

Ibraimi: Nexhipi më tha se nuk duhet të mbyllja karrierën pa luajtur në Shqipëri

Më: 15 dhjetor 2020 Në ora: 16:41
Ibraimi: Nexhipi më tha se nuk duhet të mbyllja karrierën pa luajtur në Shqipëri

Agim Ibraimi është përshtatur shumë mirë dhe shpejt me kampionatin shqiptar, teksa është duke treguar një formë të shkëlqyer, duke e ndihmuar Kukësin në marrjen e rezultateve pozitive. Në një prononcim të dhënë për “Sport Time”, sulmuesi i verilindorëve ka treguar për bisedën me drejtorin Nexhipi, pro edhe për të kaluarën kur ishte afër Partizanit.

“Kur kam takuar Nderim Nexhipin, më ka thënë që të mos e mbyll karrierën pa luajtur njëherë në Shqipëri dhe po shikoj që paska pasur të drejtë. Futbolli shqiptar është më lart se ai maqedonas.

Atje janë vetëm 2-3 ekipe, këtu luftojnë të gjitha skuadrat. Kanë edhe stadiume të mira mund të veçojmë, Elbasanin, Shkodrën dhe të tjerat.

Partizani? Po është e vërtetë që isha pranë firmës me të kuqtë. Por, në atë kohë firmosa me Shkëndijën e Tetovës. Gjej rastin t’i përshëndes për mundësinë e dhënë. Për Vllazninë e kam thënë që bëjnë lojën më atraktive në Shqipëri. Kampionati është shumë i gjatë dhe s’duhet marrë çdo ndeshje me eufori.

Futbolli ka treguar se s’duhet t’i marrim gjërat lehtë. Kur fitojmë jemi gjithë bashkë, dihet. Por, edhe kur humbim është e njëjta gjë.”, u shpreh Ibraimi.

Shfaq komentet
comments powered by Disqus
Sot mund të lexoni Shfletoni kopertinat