Covid-19 tanimë ka prekur edhe lojtarin e Lushnjës, Aldo Bani. Ka qenë trajneri lushnjar, Ilir Gjyla që ka zbuluar gjendjen e qendërmbrojtësit, teksa në konferencën për shtyp tregoi se për këtë shkak 20 vjeçari mungoi në ndeshjen me Tomorin.
Lojtari prej 8 ditësh qëndron në izolim, ndërsa gjendja paraqitet e mirë.
Kjo nuk është hera e parë që coronavirusi prek lojtarët e Lushnjës.
Javë më parë, veç futbollistëve edhe vetë trajneri Gjyla e kaluan Covid-19 duke qëndruar larg skuadrës.
Mungesa e Banit në qendër të mbrojtjes ndihet te lagunarët, me lojtarin që ka zhvilluar pesë ndeshje si titullar këtë sezon.