Dele Alli ishte një nga lojtarët më të mirë të Tottenham Hotspur në kohën kur skuadra angleze drejtohej nga Pochetino.
Pas ardhjes së Mourinhos në krye të bankinës, 24-vjeçari po kalon një formë të dobët, ku ka humbur totalisht pozicionin e titullarit.
Trajneri portugez e ka bërë të qartë se Dele Alli ka potencial, por është shumë dembel në stërvitje dhe për këtë e ka vështirë ta aktivizojë në fushën e lojës.
Pas një kohe të gjatë pa luajtur nën fanellën e Tottenhamit, Dele Alli u aktivizua ditën e djeshme në ndeshjen e Kupës së Anglisë ndaj Stoke City. Edhe pse pas një kohe të gjatë, Mourinho u acarua përsëri me djaloshin anglez.
Në konferencën për shtyp pas kualifikimit në fazën tjetër të këtij kompeticioni, tekniku portugez tregoi arsyen e mërzitjes.
“ Ndeshja ishte 1-0 për ne dhe ai (Dele Alli) pasoi gabim. Në të vetmin rast për gol ata barazuan. Këto episode nuk i toleroj. Lojtarët e mi duhet të krijojnë aksione, jo problem skuadrës së tyre. Kjo ishte arsyeja që u acarova me të”, ka shtuar Mourinho.
