Lionel Messi do të humbasë përballjen e Barcelonës me Eibarin të martën pasi iu dha një pushim i zgjatur nga klubi për Krishtlindje.
Kapiteni i klubit dhe familja e tij shkuan në Rosario për periudhën festive dhe ai nuk pritet të kthehet në Katalonia deri në vitin e ri, përpara ndeshjes së LaLigas kundër Huescas më 3 janar.
Barça u kthye në stërvitje të Dielën pasi lojtarët morën katër ditë pushim pas një fitoreje 3-0 ndaj Real Valladolidit.
Klubi konfirmoi se Messi pritet të kthehet në objektet e “Camp Tito Vilanova” pas takimit në ligë me skuadrën e Jose Luis Mendilibar në “Camp Nou.”.
Sipas të përditshmes spanjolle ‘Sport’, trajneri kryesor Ronald Koeman i dha leje Messit të kalojë më shumë kohë në Argjentinë pasi ai planifikon që ta mbajë fituesin e gjashtë herë të Topit të Artë plotësisht të aftë dhe të gatshëm për aksion.
Pas një fillimi të vështirë të sezonit pas përpjekjes së tij të dështuar për të lënë klubin, Messi ka rikuperuar formën e tij duke shënuar gjashtë nga shtatë golat e tij në kampionat në edicionin 2020-21 në tetë paraqitjet e tij të fundit.
Barça është e pesta në LaLiga, tetë pikë prapa liderit Atletico Madrid.
