Ish-mesfushori i Liverpoolit, Danny Murphy beson se vetëm një superyll me përmasa të mëdha mund të zëvendësojë sulmuesin egjiptian Mohamed Salah nëse ai do të shitet në vitin 2021.
Salah është lidhur me një largim këtë vit dhe kjo ka shkaktuar ‘trazira’ te drejtuesit e klubit anglez dhe tifozët.
Megjithatë, legjenda e Reds, Murphy, beson se sulmuesi egjiptian mund të zëvendësohet vetëm nga një superyll me përmasa të mëdha.
“Ju do të duhet të sillni një super-yll, do të duhet të sillni dikë që ka cilësi të ta zëvendësuar Salah”, ka thënë fillimisht Murphy.
“Nuk mendoj se për momentin ka shumë që do të vendosnit mbi Salah për sa i përket numrave dhe aftësisë për të fituar ndeshje dhe për të shënuar gola”.
“Po nëse do të thyesh bankën, atëherë mbase një Sancho apo edhe Mbappe mund ta zëvendësojnë, nëse mund t’ia lejojnë vetes apo jo. Nuk e di”.
“Por, unë mendoj se Liverpooli do të planifikojë, ata kanë bërë jashtëzakonisht mirë në fushën e rekrutimit për një kohë të gjatë”.
“Me thashethemet, me moshën e lojtarëve, do të ishte e pafuqishme nga klubi të mos shikojë se çfarë ata mund të sjellin dhe ndoshta të zënë vendin e lojtarëve për të cilët po flisni”, përfundoi ish-mesfushori.
