Ylli i Premier League i përfshirë në një aksident të tmerrshëm me Lamborghini
Një Lamborghini me ngjyrë portokoalli, i cili besohet të jetë i yllit të Sheffield United, Lys Mousset, është përfshirë në një aksident të rëndë, mbrëmjen e kaluar.
Lidhur me ngjarjen, policia ka arrestuar dy persona, të moshës 20 vjeçare “të cilët ishin mbi limitin e lejuar” thuhej në njoftimin e policisë.
“Lambo” goditi veturat e parkuara në jug të rrugës, Abbeydale, pas mesnatës në Sheffield.
Në një njoftim të klubit thuhej se “Klubi është i vetëdijshëm për imazhet që po qarkullojnë në media dhe ka nisur një hetim të brendshëm”.
Vetura besohet se i përket, Lys Mousset, francezit i cili kaloi nga Bournmouthi në vitin 2019 për 10 milionë funte.
