Ish futbollisti i mirënjohur, Bashkim Arifi, që jeton dhe vepron në Maqedoninë e Veriut, nuk i harron kurrë të mirat e Kosovës.
Ai ka fjalë të mëdha për familjen Qosa.
“I falënderohem familjes Qosa si dhe shumë familjeve tjera të cilët shumë herë na ftonin neve si shqiptarë nga Maqedonia në shtëpitë e tyre për flija ose drekë dhe ne i falënderojmë përzemërsisht.
Na ftonte edhe djali i z. Enver, Masari i cili ishte portier i Besianës në atë kohë dhe shumë djalë i mirë, si shumica që ishin në atë qytetin e vogël të Podujevës.
Akoma na kujtohen shakatë e djemve të këtij qyteti.
Për z. Enver t'ju them se e njoh dhe se ishte trim po se po, por ishte mikpritës dhe me zemër bujar.
I përshëndes të gjithë që janë munduar të na respektojnë në mënyrën më të mirë të mundshme”, tha Arifi për gazetën kombëtare “Bota sot”.
Ai si futbollist ka qenë pjesë e Shkëndijes nga Tetova, Besianës, KEK-ut, Dritës, Trepçës, Elbasanit, Bashkimit të Kumanovës. Arifi, aktualisht është trajner për grupmoshat e reja të Shkëndija nga Tetova.