Visar Bekaj di të shënojë edhe ‘gola’ dhe jo vetëm t’i pres ato. ‘Portieri i Kosovës i ka dhënë fund beqarisë duke e kurorëzuar lidhjen e tij disa vjeçare.
Bekaj, i cili aktualisht është pjesë e klubit të Tiranës e ka zgjedhur datën e 14 janarit për ta shënuar në kalendarin e tij, si njërën ndër ditët që do ta mbajë mend gjatë tërë jetës së tij.
Përmes disa imazheve që ka publikuar në llogarinë e tij, ai e ka bërë të ditur një gjë të tillë, duke qenë tashmë në një status tjetër shoqëror.
23 vjeçari është pjesë e Klubit Futbollistik “Tirana” nga vera e këtij viti, pasi që u transferua për shifrën e 50 mijë eurove nga FC Prishtina, klub ky që e ka ende 20% të kartonit të futbollistit.
Bekaj është gjithashtu një reprezentues i rregullt i Kombëtares së Kosovës, megjithëse ende nuk ka debutuar në një ndeshje zyrtare.
