Liga 1 e Francës rikthehet sot me dy ndeshje në kuadër të xhiros së 20.
Marseille pret në shtëpi skuadrën e Nimes, ndërsa kampioni në fuqi Paris Saint-Germain zhvillon ndeshje si mysafirë kundër Angers.
Tekniku i ri i PSG-së Mauricio Pochettino do të synojë që pas trofeut të parë në karrierën e tij si trajner, ku triumfoi në finale të Kupës së Francës kundër Marseille, të zë vendin e parë, me një fitore të mundshme kundër skuadrës së Angers.
Pas 19 xhirosh, PSG gjendet në vendin e dytë në tabelë, me 39 pikë, një më pak se vendi i parë Lyon, ndërsa Angers pozicionohen në pozitën e shtatë me gjithsej 30 pikë.
Ndeshja tjetër e ditës së sotme do të jetë mes Marseille e Nimes. Pritet një fitore e lehtë e Marseille kundër një skuadre që zë vendin e fundit në tabelë, që kërkon të këndellet pas humbjes në finale të Kupës së Francës kundër PSG.
Programi i Ligës 1 të Francës vijon si më poshtë.
17:00 Marseille (6) – Nimes (20) (Stadiumi Orange Velodrome)
21:00 Angers (7) – Paris Saint-Germain (2) (Stadiumi Raymond Kopa)
