E rrallë në Brazil: Zbret në fushë i infektuar me COVID, e mëson në pushim

Futboll

E rrallë në Brazil: Zbret në fushë i infektuar me COVID, e mëson në pushim

Më: 16 janar 2021 Në ora: 23:32
Valvidia

Rastet e të infektuarve me Covid-19 në botën e futbollit të shumta, por një rast i veçantë është regjistruar në Brazil. Valvidia, sulmuesi i Avai, skuadër që garon në divizionin e dytë të futbollit brazilian, ka zbritur në fushë i infektuar ndeshjen e sotme.

Avai luajti në transfertë kundër CSA, përballje që përfundoi në barazim 1-1. 26-vjeçari kishte rezultuar pozitiv me Covid-19, por një gabim në protokoll ndikoi që lojtari të zbriste në fushë pozitiv.

Në pushim, Valvidia zbuloi se ishte prekur nga koronavirusi në testin e kryer pak minuta përpara ndeshjes. Trajneri i Avai e ndërroi menjëherë me mbrojtësin Renato, i cili realizoi golin e barazimit për skuadrën mike. 

Shfaq komentet
comments powered by Disqus
Sot mund të lexoni Shfletoni kopertinat