Chelsea do të kërkojë t’i japë vazhdimësi fitores që arriti në fundjavë në derbin londinez ndaj Fulham por këtë martë misioni do të jetë akoma më i vështirë për skuadrën e Frank Lampard pasi blutë do të sfidojnë Leicester City-n në King Poëer Stadium, sfidë e vlefshme për raundin e 18-të të kampionatit anglez që do të startojë në orën 21:15.
“Dhelpërat” e Brendan Rodgers janë në pozita më të mira në renditje se skuadra e Lampard pasi Leicester ka 5 pikë më shumë dhe me një fitore sot do të ngjitej përkohësisht në vendin e parë. Në këtë martë në ekranin e Supersport nuk do të mungojë as La Liga aty ku luhen sot disa nga ndeshjet e raundit të 19-të, i fundit për fazën e parë. Spikat padiskutim dueli i orës 21:30 mes Deportivo Alaves dhe Sevillas një sfidë ku miqtë janë dukshëm favoritë për të marrë tre pikët.
Nëpërmjet kanalit Eurosport 2, këtë të martë do të keni mundësi të ndiqni edhe dy nga takimet e javës së 17-të të Bundesligas. Në orën 18:30 Gladbach pret në Borussia Park Werder Bremen, me Milot Rashicën që është rikuperuar plotësisht nga dëmtimi dhe mund të ketë më shumë minuta në këtë sfidë.
Ndërkohë në orën 20:30 do të luhet një supersfidë ajo mes Bayer Leverkusen dhe Borussia Dortmund, dy skuadrave që po përpiqen të rivalizojnë Bayernin në garën për titull bashkë me Leipzig por në javët e fundit kanë hasur shumë vështirësi sidomos Leverkusen që po kalon një moment jo. Nuk mungon në këtë ditë të martë as Kupa e Italisë në ekranin tonë që vjen me një nga dy sfidat e mbetura të raundit të 1/8-ave, atë mes Romës dhe Spezias.
