Lazio e do Mustafin

Futboll

Lazio e do Mustafin

Më: 20 janar 2021 Në ora: 19:40
Lazio e do Mustafin

Skuadra e Lazios nuk e ka ndërmend të heqë dorë nga transferimi i qendërmbrojtësit të Arsenalit, Shkodran Mustafi.

Mediumet italiane kanë raportuar të mërkurën se Mustafi në parim ka arritur marrëveshje me Lazion, që ka nisur negociatat me Arsenalin për lirimin e tij.

Mustafi ka kontratë me ekipin londinez deri në fund të këtij edicioni dhe te Lazio janë të gatshëm të ofrojnë rreth pesë milionë euro dëmshpërblim për shërbimet e tij.

Mustafi 28-vjeçar këtë edicion nuk ka pasur hapësirë të madhe tek Arsenali duke regjistruar vetëm nëntë paraqitje në të gjitha garat dhe është i gatshëm të largohet nga ekipi londinez gjatë këtij muaji për një përvojë tjetër në karrierë, raporton EO.

Ai është pjesë e Arsenalit prej verës së vitit 2016 kur iu bashkua nga Valencia për 41 milionë euro. Mustafi karrierë ka bërë edhe te Sampdoria.

commentFirst article
Sot mund të lexoni Shfletoni kopertinat