Mjeku i Maradonës nën akuzë, falsifikoi firmën e legjendës argjentinase!

Futboll

Mjeku i Maradonës nën akuzë, falsifikoi firmën e legjendës argjentinase!

Më: 23 janar 2021 Në ora: 09:24
Diego Armando Maradona

Nuk kanë fund polemikat mbi vdekjen e Diego Armando Maradonës. Kur kanë kaluar thuajse dy muaj nga ndarja nga jeta e ish-legjendës argjentinase ende ka diskutime për mënyrën sesi Maradona vdiq.

Këtë herë bëhet fjalë për një skandal ku është i përfshirë mjeku i legjendës argjentinase Leopoldo Luque, i cili mund të ketë falsifikuar nënshkrimet e ish-sulmuesit për operacionet.

Çështjen tashmë e kanë marë në dorë prokurorët, të cilët po hetojnë për një vdekje të mundshme të padrejtë. Janë gjetur tre fletë së bashku dhe ishte diçka shumë e qartë që nuk shkonte. Pas vdekjes së Maradonës, Luque dha një konferencë për shtyp, ku deklaronte: Diego ishte shumë i dëshpëruar. Shëndeti i tij mendor nuk ishte shumë i mirë, mund të them se ishte një pacient pa vullnet.

Kirurgët provuan gjithçka, por ishte vetë Maradona që nuk e dëshironte diçka të tillë. Askush nuk guxonte të hynte në dhomën e tij. Unë isha një ndihmës dhe në takime të gjithë më injoruan”, shkruhet në deklaratën e Prokurorisë. Tashmë mbetet për t’u parë se çfarë vendimi do të merret për Luquen, i cili ishte përgjegjës për jetën e Maradonës në vitet e fundit të tij. Diego Armando Maradona u nda nga jeta në moshën 60-vjeçare në 25 nëntor në vilën e tij në Buenos Aires.

commentFirst article
Sot mund të lexoni Shfletoni kopertinat