Nga ndeshja në ndeshje, Granit Xhaka është duke u treguar një lojtar tejet vendimtar.
Mesfushori shqiptar me pasaportë zvicerane, ka dhuruar një tjetër paraqitje fantastike te Arsenali.
The Gunners fituan 3-1 ndaj Southamptonit në kuadër të javës së 20-të në Ligën Premier, duke vazhduar të ngjiten më lartë.
Granit Xhaka ishte ai që e filloi llogarinë e golave te skuadra londineze, pasi asistoi në minutën e tetë te Nicolas Pepe që shënoi pa problem.
Mesfushori edhe gjatë ndeshjes pati disa ndërhyrje të dalluara, duke qenë edhe në këtë takim vendimtar për Topçinjtë.
Arsenali ka kërkuar nga përkrahësit e tyre që të ndajnë një minutë për të vlerësuar paraqitjen e Xhakës.
