Tirana U-19, fiton derbin dhe sfidon Vllazninë në finalen e Kupës!
Tirana fiton derbin e 19-vjeçarëve dhe “fluturon” në finalen e Kupës së Shqipërisë për këtë grupmoshë, aty ku do të sfidojë Vllazninë që një ditë më parë mposhti Shënkollin në gjysmëfinale me rezultatin 4-0.
Për t’u kthyer te derbi i i U-19, koha e rregullt mes Tiranës dhe Partizanit u mbyll në barazim pa gola ndërkohë që skuadra e Gentjan Stojkut arriti të triumfonte me shifrat 4-2 pas goditjes së penalltive.
Tirana e ka fituar këtë trofe edhe sezonin e kaluar, ndërkohë që këtë vit finalja do të sjellë në skenë klasiken e futbollit shqiptar te 19-vjeçarët.
