​Napoli-Spezia, çerekfinalja e fundit e Kupës së Italisë

Futboll

​Napoli-Spezia, çerekfinalja e fundit e Kupës së Italisë

Më: 28 janar 2021 Në ora: 11:38
Foto ilustrim

Kupa e Italisë vazhdon sot me ndeshjen e fundit në kuadër të çerekfinales, ku Napoli pret në shtëpi skuadrën e Spezias.

Pas dy humbjeve nga Juventus dhe Verona, skuadra e Gennaro Gattusos shihet sot si favoritë kundër Spezias, e cila befasisht mposhti në raundin e fundit të kësaj gare skuadrën e Romës.

Në gjashtë ndeshjet e fundit në të gjitha garat, Napoli ka regjistruar tre fitore dhe tre humbje. Kurse, skuadra e Spezias, e cila këtë edicion ka hyrë në Serie A, ka arritur të regjistrojë tre fitore, një barazim dhe dy humbje.

Duke u konsideruar si favoritë në këtë ndeshje, “napolitanët”, do të hynë me qëllimin për të siguruar biletën drejt gjysmëfinales, ku i pret skuadra e Atalantas.

Të dy trajnerët do të hynë në këtë ndeshje me lojtarët më të mirë që kanë në dispozicion.

Formacionet e mundshme pritet të jenë këto si më poshtë.

Napoli (4-2-3-1): Ospina; Di Lorenzo, Manolas, Koulibaly, Rui; Demme, Bakayoko; Lozano, Zielinski, Insigne; Osimhen

Spezia (4-3-3): Krapikas; Vignali, Erlic, Chabot, Bastoni; Pobega, Ricci, Maggiore; Verde, Galabinov, Farias

21:00 Napoli – Spezia (Stadiumi Diego Armando Maradona)

Shfaq komentet
comments powered by Disqus
Sot mund të lexoni Shfletoni kopertinat