Stephan El Shaarawy është lojtari më i ri i “Giallorossëve”.
El Sharaawy kishte qëndruar në Dubai, ku ishte vetizoluar dhe kishte mbajtur një regjim stërvitor individual, pasi rezultoi pozitiv me COVID-19.
Testet mjekësore dhe transferimi i tij ishte shtyrë, pasi ishte paraparë të bëhej zyrtare javën e kaluar. Tani Roma ka bërë zyrtare përmes uebfaqes së klubit.
Edhe El Shaarawy është shprehur tejet i entuziazmuar me rikthimin e tij në Romë.
“Kur erdha në fillim tek Roma, me la përshtypje qyteti dhe klubi dhe nuk u mendova dy herë për rikthimin. Kur u largova nga këtu, kuptova që e kisha në zemër”, tha ai.
“Tani do të jap gjithçka për këtë fanellë”, shtoi ai.
El Sharaawy ishte pjesë e Romës nga viti 2016 deri në vitin 2019 ku u tranferua në Kinë. Ai ka regjistruar 93 paraqitje për klubin dhe ka shënuar 26 gola.
