Pas një jave, supersfida Barcelona-PSG do të ndezë Champions League dhe luhet akti i parë i 1/16-ve. Por, menjëherë për parizienët ka ardhur një lajm i keq.
Angel Di Maria, një nga më të mirët e këtij sezoni në ekipin kampion, nuk do të jetë i gatshëm për sfidën e parë ndaj katalanasve në “Camp Nou”, stadium ku herën e fundit që e kanë vizituar, janë mundur 6-1.
Argjentinasi pësoi një dëmtim muskulor në ndeshjen me Marseille në fundjavën e shkuar dhe do i duhet të qëndrojë rreth një muaj jashtë fushave.
Mungesën e tij ndaj Barcelonës e konfirmoi edhe vetë trajneri i parizienëve, Maurucio Pochettino.
“Di Maria nuk do të jetë për ndeshjen me Barcelonën. Ka një dëmtim dhe nuk mund ta rrezikojmë”, u shpreh argjentinasi.
