Andrea Agnelli dhe Antonio Conte fyen njëri-tjetrin në fund të ndeshjes Juventus-Inter, por cila është historia prapa marrëdhënies së tyre të tensionuar?
Ishte një natë plot me dramë në “Allianz Stadium” ku Juventusi mbajti Interin larg golit duke arritur në finalen e 20-të të Kupës së Italisë në historinë e tyre.
Andrea Agnelli dhe Antonio Conte u bënë pjesë e titujve kryesorë të mediave me një larmi ofendimesh që vinin nga të dy palët gjatë pushimit të pjesës së parë dhe pas fishkëllimës përfundimtare.
Marrëdhënia mes tyre u dridh në verën e vitit 2014 kur Conte, i cili kishte fituar tre tituj të Serie A me radhë, dha dorëheqjen e tij në para-sezon.
Trajneri italian e kishte sjellë Juventusin përsëri në majën e futbollit italian, duke fituar Scudetton e parë të epokës post-Calciopoli në vitin 2012 pasi “Zonja e Vjetër” kishte përfunduar e shtata në dy fushatat e mëparshme nën trajnerët Ciro Ferrara, Alberto Zaccheroni dhe Luigi Delneri.
Disa muaj më parë ai kishte vënë në pikëpyetje strategjitë e transferimit të klubit duke thënë: "Ju nuk mund të shkoni të hani në një restorant prej 100 eurosh me vetëm 10 euro në xhep, apo jo?"
Vendimi i tij për të dhënë dorëheqjen e befasoi Juventusin me “Zonjën e Vjetër” që nxituan të punësojnë Massimiliano Allegrin.
Në vitin 2017 Agnelli talli ish-trajnerin e tij duke thënë “Allegri vazhdoi një punë që për të tjerët dukej e mbaruar" me Conte i cili u përgjigj në Facebook: "Mos mendoni kurrë se njihni plotësisht dikë. Ndonjëherë vetëm një minimum mirënjohjeje dhe pjekurie do të ishte e mjaftueshme. ”
Në 2019, Fabio Paratici dhe Pavel Nedved menduan për kthimin e Contes në Juventus pas shkarkimit të Max Allegrit, por Agnelli vuri veton për kthimin e tij dhe vendosi të punësojë Maurizio Sarrin.
Kështu Conte u bashkua me Interin duke u bërë armiku i ri më i madh i tifozëve të Juventusit.
"Conte është dhe do të jetë gjithmonë një legjendë e Juventusit," tha Agnelli saktësisht një vit më parë, por dyshja nuk e ka rregulluar kurrë raportin mes tyre, siç u vërtetua mbrëmë.
