Berat Gjimshiti me Atalantën në festë, kualifikohen në finalen e madhe të Kupës së Italisë.
Napoli nuk ia doli në stadiumin e Bergamos, gjunjëzohet me rezultat 3:1 nga Atalanta, në takimin e kthimit të gjysmëfinales.
Skuadra nga Bergamo si gjithmonë e papërshtatshme për skuadrat e mëdha, ashtu ndodhi edhe sonte dhe e rrëzuan Napolin nga gara e Kupës. Natë e zezë për Amir Rrahmanin, Elseid Hysajn me Napolin.
Rrahmani dhe Hysaj u paraqitën nga minuta e parë, ky i fundit u zëvendësua tre minuta pa përfunduar pjesa e parë.
Zapata (10'), Pessina (16' e 78') shënuan për Atalantën dhe Lozano (53') për Napolin.
Gjimshiti u paraqit titullar, u angazhua maksimalisht me shokë dhe kjo u shpërblye me kualifikim.
Gjysmëfinalja e parë ka përfunduar 0:0 në stadiumin "Diego Armando Maradona", kështu që Atalanta kualifikohet dhe në finale ndeshet me Juventusin.
