Mbrojtësi i Napolit Elseid Hysaj ka pësuar tërheqje muskulore në pulpën e këmbës së majtë në sfidën e djeshme të gjysmëfinales së Kupës së Italisë me Atalantën.
Klubi napolitan konfirmoi pas eliminimit nga kompeticioni se 26-vjeçari ka probleme në pulpën e këmbës së majtë.
Megjithatë, do të zbulohet nëse Hysaj do të mungojë për një kohë të gjatë apo jo.
Rikuperimi i muskulit të pulpës varion nga 3 ditë deri në 6 javë në varësi të shkallës së dëmtimit.
Dje Hysaj u largua nga fusha i zhgënjyer pasi priste që të luante deri në fund.