Gianinna Maradona iu është përgjigjur disa pyetjeve në rrjetet sociale në lidhje me vdekjen e babait të saj, Diego. Pra, nuk ka preferuar të rrëfehet para një gazetari, por ndjekësve të saj. Sandra Borghi lëshoi akuza jo shumë të maskuara ndaj vajzave të Diegos: “Ku ishin vajzat në këtë histori? A nuk panë asgjë?”
Gianinna u përgjigj përmes Instagramit: “Nëse do të bëja vetëvrasje për shkak të gjithçkaje që ato thonë kundër meje, kush do të fajësohej? Askush, apo jo? Sepse askush nuk kujdeset për asgjë.
Ato thonë gjënë e parë që iu vjen në mendje dhe, nëse e kundërta është provuar, nuk ka rëndësi. Unë jam një grua e fortë dhe koha do të tregojë se si shkuan gjërat. Nëse nuk do të kisha një fëmijë, miqtë e mi të paktë dhe familjen time, me ngacmimet që marr dhe jetën që më është mërzitur, do të kisha bërë vetëvrasje tashmë”.
Nuk është hera e parë që Gianinna përfundon në qendër të vëmendjes, ose shfryn kështu në rrjetet sociale. Tashmë, pas vdekjes së ish-legjendës së Napolit, gruaja ishte përmendur si një vjedhëse e unazës me një diamant blu, me vlerë 300 mijë euro, dhuratë e marrë nga Diego Maradona në vitin 2018 në Bjellorusi.
