Reali i Madridit ka shënuar fitoren e dytë radhazi në kampionatin spanjoll.
“Mbretërit” triumfuan me rezultat të pastër 2:0 ndaj Valencias, në takimin që i takoi javës së 23-të.
Pas 12 minutave lojë, “Los Blancos” shënoi golin e epërsisë me sulmuesin francez, Karim Benzema.
Derisa goli i dytë u realizua nga gjermani i mesfushës, Toni Kroos tre minuta pa përfunduar koha e rregullt e pjesës së parë.
Pikërisht ishte gjermani, Kroos që është vlerësuar më së shumti nga sajti “Whoscored.com” që i dha notën 8.3.
Me notë të lartë u vlerësua edhe Karim Benzema që mori notën 7.9.
Poashtu edhe braziliani Casemiro mori notën 7.8 në këtë takim.