Trajneri i Real Madridit, Zinedine Zidane, është shprehur i shqetësuar nga lëndimet që po marrin “Los Blancos”.
Real Madrid u rikthyer në pozitën e dytë pas triumfit ndaj Valencias, ku ata triumfuan me rezultat 2-0 me golat e Benzemas dhe Toni Kroos.
Por, i rikthyeri nga lëndimi, Daniel Carvajal, doli nga loja sërish nga lëndimi dhe kjo paraqiti një shqetësim për trajnerin e Real Madridit, Zinedine Zidane.
Francezi u shpreh i shqetësuar nga lëndimet e shpeshta që po i ndodhin “Los Blancos”, ai tha se është i shqetësuar për lojtarët dhe për shëndetin e tyre dhe nuk kupton përse këto lëndime po ndodhin kaq shpesh.
“Nuk kuptoj! Ka kaq shumë lëndime dhe nuk po kuptoj përse, jam i merakosur! Kur humb një lojtar, mua më vjen keq”, tha ai.
“Carvajal ka bërë 25 minuta fantastikë, dhe jam i zemëruar sepse ai është i rëndësishëm për ne”, shtoi ai.
“Ne do të vazhdojmë kështu dhe nuk do të shikojmë skuadrat tjera. Jam i lumtur për lojtarët e mi dhe ne ishim shumë të mirë në mbrojtje. Me topin bëmë lojë shumë të mirë, veçanërisht në pjesën e parë”, përfundoi Zinedine Zidane.
