Shitja e Interit, vjen lajmi i fundit nga Italia

Futboll

Shitja e Interit, vjen lajmi i fundit nga Italia

Më: 15 shkurt 2021 Në ora: 14:05
Foto ilustrim

Sipas raporteve më të fundit nga “Il Corriere dello Sport”, thuhet se BC Partners i kanë dhënë kohë pronarëve aktual të Interit Suning Group deri më 31 mars për të arritur një marrëveshje mbi shumicën e aksioneve në Inter.

Raportet e mëparshme në Itali kanë pohuar se Suning refuzoi një ofertë prej 750 milionë eurove nga BC Partners për të blerë shumicën e aksioneve të klubit.

Por negociatat vazhdojnë dhe fondi thuhet se i ka dhënë Suning afat deri në fund të Marsit për të vendosur përfundimisht rreth kësaj çështjeje.

Gazeta zbulon se nuk është rastësi që fondi i ka dhënë Suning këtë afat specifik për të vendosur mbi transferimin e mundshëm të aksioneve.

Afati është caktuar më 31 mars për shkak të kushteve të detyrueshme për të marrë pjesë në Kupat e Evropës dhe për të qenë i azhurnuar me pagesat.

Por ky raport pretendon se ka ende një hendek prej 200 milionë eurove ndërmjet propozimit nga BC Partners dhe kërkesës nga Suning.

Sot mund të lexoni Shfletoni kopertinat