Presidenti i Juventusit flet për zënkën

Futboll

Presidenti i Juventusit flet për zënkën

Më: 17 shkurt 2021 Në ora: 11:43
Presidenti i Juventusit flet për zënkën

Pas debatit me Antonio Conten në ndeshjen Juventus-Inter, e vlefshme për gjysmëfinalen e kthimit të Kupës së Italisë, presidenti i bardhezinjve Andrea Agnelli ka marrë “Tapirin e Artë”, çmim që jepet nga emisioni satirik “Striscia la Notizia”.

Ka qenë gazetari Valerio Staffelli që i ka dorëzuar çmimin numrit një të bardhezinjve në Torino dhe natyrisht që i ka marrë edhe një prononcim në lidhje me tensionin që pati me ish trajnerin e Juventusit, aktualisht në pankinën e Interit.

“Thuajse gjithmonë pasioni për punën tonë na bën të shkojmë përtej rregullave të sjelljes së mirë. Bashkëpunimi me Conten është mbyllur shumë mirë dhe ato që patë ishin gjeste dashurie…”, u shpreh Agnelli.

Pak ditë më parë emisioni satirik në Itali provoi t’i japë të njëjtin çmim edhe trajnerit të Interit, Antonio Conte, i cili e refuzoi dhe shmangu edhe komentet për gazetarin Staffelli, megjithatë më vonë kërkoi ndjesë për atë që u pa në “Allianz Stadium".

commentFirst article
Sot mund të lexoni Shfletoni kopertinat