Odise Roshi është zyrtarisht tashmë futbollisti më i ri i klubit hungarez të Diosgorit.
Fieraku ka kaluar me sukses vizitat mjekësore, teksa kjo pjesë ishte e vetmja që mbante peng zyrtarizimin e marrëveshjes për shkak të problemeve fizike që sulmuesi i kombëtares ka pasur në të kaluar.
Megjithatë, tashmë gjithçka ka kaluar me sukses dhe Roshi do të jetë i përqëndruar për të dhënë maksimumin në fushën e lojës.
Klubi i Diosgorit është i përfshirë në garën për mbijetesë në këtë sezon dhe 29-vjeçari shpreson të kontribuojë pozitivisht për klubin, ndërsa në skuadër do të gjejë edhe shqiptarin tjetër, Hysen Memolla.
