Stefano Pioli zbulon se çfarë i tha ekipit të tij pas humbjes në derbi kundër Interit dhe pranon që Zlatan Ibrahimovic do të humbasë disa seanca stërvitore për të marrë pjesë në Festivalin e Muzikës Sanremo.
"Ka qenë një udhëtim i vështirë dhe i ndërlikuar, por kur niveli ngrihet është normal dhe ne arritëm të kapërcejmë disa vështirësi," tha Pioli në një konferencë shtypi përpara ndeshjes së Ligës së Evropës kundër Yllit të Kuq.
"Tani ne kemi një pengesë të re dhe kemi një avantazh të vogël që nuk na lejon të menaxhojmë lojën ndryshe."
“Rossonerët” morën një barazim 2-2 në ndeshjen e parë në Beograd javën e kaluar.
"Ne do të duhet të kemi kaq shumë cilësi për t'u kualifikuar në raundin tjetër. Bennacer nuk është gati të rikthehet. Për këtë javë, ai nuk do të punojë me ekipin. Shpresojmë që ta kthejmë atë së shpejti. Kessie është mirë. Ai është në dispozicion për nesër. Pastaj do të shohim se çfarë zgjedhjesh të bëjmë.”, vazhdoi më tutje Pioli.
"Grupi është i vetëdijshëm për cilësitë e tij. Ne duam të reagojmë. Ne duam të provojmë se është e mundur të luajmë futboll të mirë dhe të marrim rezultate,"
“Rossonerët” humbën derbin e Milanit 3-0 javën e kaluar. Si ka reaguar ekipi?
"Ne analizuam performancën e fundit, vetëm në fund të pjesës së parë dhe në fillimin e së dytës e bëmë lojën tonë. Ne luajtëm me pak intensitet.”
"Unë shoh një grup të motivuar dhe jemi të gatshëm të kthehemi dhe të luajmë siç bëmë disa javë më parë. Unë i thashë ekipit se kanë mbetur 90 ditë deri në fund të sezonit. Do të jenë ditë vendimtare për sezonin tonë.”
Zlatan Ibrahimoviç do të marrë pjesë në festivalin Sanremo javën e ardhshme.
"Unë flas me të çdo ditë. Javën e kaluar ne vendosëm orarin e tij, ai do të humbasë disa seanca stërvitore, por ai do të jetë në dispozicion për ndeshjet.
