Gian Piero Gasperini ndjen se gjyqtari ‘shkatërroi lojën’ me kartonin e kuq të dhënë për Remo Freuler, pasi mund të mos humbnin nga Real Madridi.
Atalanta u mposht në shtëpi nga Real Madridi me rezultat minimal 1-0, por kjo fitore erdhi falë një kartoni të kuq të dhënë në minutën e 17-të për Freuler.
Sipas trajnerit të vendasve, Gasperini, humbja erdhi “nga gjyqtari”, pasi kartoni i kuq ishte i evitueshëm.
“Ajo që mbetet është hidhërimi që ne nuk mund të luanim ndeshjen që prisnim”, ka thënë fillimisht Gasperini për Sky Sport Italia.
“Përveç rezultatit, kënaqësia ishte të luanim kundër Real Madrid në Ligën e Kampionëve. Nuk e di se cili do të ishte rezultati, por loja u shkatërrua plotësisht nga një incident që u gjykua tepër”.
“Kualifikimi na vendos në një mënyrë në pozicionin më të mirë të mundshëm, pasi duhet vetëm të fitojmë dhe nuk mund të mendojmë asgjë tjetër! Ne kishim shpresuar për një rezultat tjetër, dhe mbi të gjitha një ndeshje tjetër”.
“Ne ishim në minutat e fundit, vetëm duhet të sillnim rezultatin në shtëpi. Megjithatë, ne pësuam një gol me këmbën e djathtë të Mendy, kështu që kjo është paksa e çuditshme, pothuajse një hile. Gjynah i madh”.
“Duke marrë parasysh si shkoi ndeshja, një rezultat 1-0 nuk është edhe aq i keq, por ne ndiejmë keqardhje që nuk na u dha mundësia për të luajtur”, përfundoi trajneri i italianëve.
