Pas barazimit 2:2 në ndeshjen e parë, Milani dhe Crvena Zvezda do të përballen pas shtatë ditësh, për të luajtur duelin e kthimin të 1/16 finale të Ligës së Europës.
Po çfarë i duhet Milanit për t’u kualifikuar në raundin tjetër? Kuqezinjtë mund ta arrijnë qëllimin me çdo fitore, por edhe duke barazuar 0-0 ose 1-1, ndërsa me 2-2, gjithçka do të shkonte në kohën shtesë.
Milani gjithmonë e ka gjetur golin në pesë ndeshjet e mëparshme kundër këtij kundërshtari, duke e mbajtur portën të pastër vetëm një herë, në shtëpi, në gusht 2006. “Djalli” e priti dy herë Crvena Zvezda, duke barazuar 1-1 në Kupën Europiane 1988/89 dhe duke fituar 1-0 në kualifikimet e Ligës së Kampionëve 2006/07, falë një goli të shënuar nga Filippo Inzaghi.
Serbët kanë fituar vetëm një nga 12 ndeshjet europiane jashtë vendit, kundër rivalëve Italiane. Fjala është për fitoren 2-0 ndaj Chievo, në raundin e parë të Kupës UEFA, në tetor 2002. Disa ndryshime në formacion priten nga Stefano Pioli, krahasuar me derbin e humbur kundër Interit. Në mbrojtje, Tomori mund të gjejë hapësirë në qendër, në vend të Kjaer.
Në mesfushë, Meité duhet të fitojë balotazhin ndaj Tonali, ndërsa Bennacer është ende i dëmtuar. Në sulm, si Ibrahimovic, jo në më të mirën e tij, ashtu edhe Mandzukic, i lënduar, mbeten jashtë. Leao po përgatitet të luajë si sulmues i parë, me Calhanoglu në të majtë.
