Menaxheri i Manchester City, Pep Guardiola, ka thënë se ai nuk e konsideron skuadrën e tij si favorite në Ligën e Kampionëve.
Sipas tij, Bayern Munich është klubi favorit për të fituar në këtë garë, shkruan Goal.
“Kur e shoh Bayern Munchen nuk mendoj se jemi favorit. Synimi im është West Ham në tre ditë”.
“Nëse njerëzit thonë se ne jemi favorit, ne duhet ta pranojmë atë, por një ekip i cili në tërë historinë ka qenë vetëm një herë në gjysmëfinale?. Në rregull, ata e thonë këtë, ne duhet ta pranojmë”.
