Humbja turpëruese 5-1 ndaj Shtutgartit ka shkaktuar një “tërmet” te Shalke 04, që është me një këmbë në Bundesliga 2.
Pas 23 javëve, skuadra renditet e fundit me vetëm 9 pikë dhe rënia duket e pashmangshme. Menjëherë pas humbjes së djeshme, drejtuesit e mëdhenj të klubit, kanë marrë vendimin për largimin e disa pjesëtarëve të skuadrës.
Fllimisht është shkarkuar trajneri Kristian Gros, i cili u emërua vetëm 2 muaj më parë dhe është i katërti që largohet për këtë sezon te Shalke. Gjithashtu janë shkarkuar edhe drejtori sportiv, Joshen Shneider, për të vazhduar më pas edhe me largimin e menaxherit të ekipit Sasha Reither dhe trajneri atletik, Verner Luthard.
Të Shalke tani duken të pashpresë për të shmangur rënien, ndonëse ka edhe 11 javë kampionat.