Llapi nga Podujeva ka shënuar fitore të madhe, e cila nuk matet as me ari, duke e mposhtur liderin e derisotëm Ballkanin e Therandës me rezultat 1:0, në kuadër të javës së 22-të të elitës së futbollit të Kosovës.
Nga minuta e 61-të, Llapi mbetet me një futbollist me pak, pasi që portieri Marjan Çoriq u përjashtua direkt me karton të kuq pas një ndërhyrje jashtë 16-shit ndaj Mevlan Zekës.
Në minutën e 69-të, Edon Sadriu, është hero i fitores. Ai me vetëmohim të pashoq realizon për 1:0.
Mevlan Zeka i Ballkanit u përjashtua me karton të kuq pas dy të verdhëve në minutën e 87-të.
Ballkani bie në vend të dytë me 45 pikë, ka dy pak se lideri i ri Drita dhe Llapi renditet i gjashti me 26. Tahir Batatina, kryetrajner i Llapit, është i lumtur për fitoren e sotme, për faktin se e mposhti Ballkanin e fortë në "Zahir Pajaziti" në Podujevë.