Bartomeu dhe tre zyrtarët e Barcelonës dalin sot para gjykatës

Futboll

Bartomeu dhe tre zyrtarët e Barcelonës dalin sot para gjykatës

Më: 2 mars 2021 Në ora: 09:19
Josep Maria Bartomeu

Ish-presidenti i Barcelonës, Josep Maria Bartomeu, dhe tre zyrtarë të tjerë të lartë të klubit, do të dalin sot para gjykatës, një ditë pasi u arrestuan në lidhje me skandalin “Barcagate”.

Ish-presidenti u arrestua të hënën bashkë me shefin ekzekutiv të klubit, Oscar Grau, drejtorin për çështje ligjore Roman Gomez Ponti dhe Jaume Masferrer, për të cilin thuhet se ishte krahu i djathtë i Bartomeut.

Të gjithë prej tyre refuzuan të jepnin deklaratë në polici të hënën, prandaj do ta bëjnë një gjë të tillë para gjykatësit sot gjatë ditës.

Ata e kaluan natën në paraburgim.

Policia e Katalonjës, Mossos d’Esquadra, i bastisi zyrat e klubit të Barcelonës të hënën në mëngjes në lidhje me këtë skandal.

Çfarë është skandal “Barcagate”?

Vitin e kaluar, u raportua se klubi i kishte paguar disa kompani private për t’i kritikuar dhe njollosur në rrjetet sociale kundërshtarët e Bartomeut, përfshirë lojtarë dhe trajnerë nga e kaluara dhe e tashmja.

Lionel Messi, Pep Guardiola, Xavi dhe Gerard Pique ishin në mesin e atyre që ishin cak i njollosjes dhe kritikave nga kompania I3 Ventures në një fushatë njolloseshe trivjeçare.

Presidenti i atëhershëm i Barcelonës Bartomeu i pati hedhur poshtë akuzat në shkurt të vitit të kaluar.

Synimi i saj ishte ta mbronte Bartomeun dhe reputacionin e tij duke i kritikuar kundërshtarët e tij.

I3 Ventures kishte llogari në Twitter dhe Facebook të cilat postonin në lidhje me lojtarët e Barçës.

Ajo i kishte bërë disa sulme ndaj Messit për ngurrimin e tij për ta nënshkruar kontratën e re me Barçën, derisa Pique u kritikua për projektin e tij për ta riorganizuar turneun e tenisit për shtete, Davis Cup.

Tetë anëtarë të klubit bënë ankesë zyrtare në polici, e cila e nxiti një hetim i cili ka vazhduar për disa muaj.

Pas kësaj hetimi, policia katalonase i bastisi zyrat e Barcelonës të hënën.

Në një kontroll të kryer në korrik, policia kishte marrë dokumente në lidhje me këtë skandal.

Bartomeu e kishte pranuar në fillim të vitit të kaluar se e kishte kontraktuar kompaninë I3 Ventures për rrejte sociale por këmbënguli se nuk kishte marrëveshje me të për ta kritikuar Messin me bashkëlojtarë.

Shfaq komentet
comments powered by Disqus
Sot mund të lexoni Shfletoni kopertinat