Cassano nuk është i mahnitur nga zikaltrit

Futboll

Cassano nuk është i mahnitur nga zikaltrit

Më: 2 mars 2021 Në ora: 10:55
Antonio Cassano

Duket se Antonio Cassanos nuk është duke i lënë mbresa aspak Interi, pasi ish-sulmuesi italian e ka kritikuar ish-skuadrën e vet për dështimin në Ligën e Kampionëve dhe për stilin e futbollit që luan.

Interi e mundi 3:0 Genoan dhe tani është lider i Serie A me katër pikë më shumë se rivali dhe përcjellësi i parë në tabelën e Serie A, Milan.

Por zikaltrit janë eliminuar nga Liga e Kampionëve dhe nga Kupa e Italisë.

“Sikur të ishim në Ligën e Kampionëve tani, mendoj se do ta thoshim fjalën tonë në këtë turne”, tha Conte pas fitores të dielën, por Cassano mendon ndryshe.

“A nuk e ka kuptuar Conte se ai nuk është Guardiola? Ta thotë fjalën e vet në Ligën e Kampionëve? Jo, jo. Nuk jam budalla unë. Serie A është mediokër, Liga e Evropës është diçka tjetër. Interi nuk po dominon”, tha Cassano.

“Janë duke luajtur ndryshe me Eriksenin, tani duken më solid, por nuk luajnë futbollit të mirë. Atalanta luan futboll të mirë”, shtoi ai.

“Interi do ta fitojë titullin, por nuk luan futboll të mirë. Interi ishte qesharak në Ligën e Kampionëve. Përfundoi pas Shakhtarit”, theksoi ai.

Shfaq komentet
comments powered by Disqus
Sot mund të lexoni Shfletoni kopertinat