Komisioni i Garave i Superligës dhe Ligës së Parë në përbërje, Abdyl Bellopoja kryetar, Isak Ejupi dhe Agim Kastrati anëtarë, në mbledhjen e datës 02.03.2021, ka diskutuar për regjistrimin e ndeshjeve të xhiros së 22-të të Superligës së Kosovës dhe të xhiros së 16-të të Ligës së Parë, Grupi A dhe Grupi B, për edicionin 2020/2021. Pas shqyrtimit komplet të materialit nga zyrtarët e ndeshjeve, bazuar në nenin 69 të Rregullores së Garave, si dhe dispozitave të Rregullores Disiplinore, Komisioni i Garave mori këto:
Vendimet:
1. Regjistrohen ndeshjet e xhiros së 22-të të Superligës së Kosovës dhe të xhiros së 16-të të Ligës së Parë Grupi A dhe Grupi B në futboll për edicionin 2020/2021, me rezultatet e arritura në fushë.
2.Bazuar në raportet e delegatëve, kontrollorëve, zyrtarëve të FFK-së si dhe të dhënat nga protokollet zyrtare të ndeshjeve, lidhur me rregullsinë e fillimit, zhvillimit dhe përfundimit të ndeshjeve, Komisioni i Garave pas administrimit të të gjitha materialeve dhe shkresave të prezantuara, incizimeve televizive, raporteve të personave zyrtarë të FFK-së si dhe mediave, vendosi për:
Inicim disiplinor
-ndaj lojtarit të FC “Prishtina” me nr të fanellës 5, Lumbardh Dellova nr ID 000161M99. Motivi: Pas përfundimit të ndeshjes Trepça’89-Prishtina, derisa lojtarët ishin drejtuar zhveshtoreve provokon përfaqësuesit e KF “Trepça’89” me gjeste josportive, banale dhe të pahijshme, duke nxitur reagim të ashpër të përfaqësuesve të KF “Trepça’89“. Sipas raportit të delegatit të ndeshjes.
-ndaj kryetarit të KF “Trepça’89” , Abedin Zeka; Motivi: Në prononcim për media drejton akuza të pabaza ndaj organeve të FFK-së.
-ndaj FC “Llapi“; Motivi: Lëshim në organizmin e ndeshjes Llapi-Ballkani. Lejohen shikues në tribuna në kundërshtim me masat anti-Covid 19, si dhe nga min 86’ hedhje e organizuar e topave në fushë. Sipas protokollit zyrtar të ndeshjes.
-ndaj portierit të FC “Llapi” Marijan Çoriç me nr fanelle 1dhe nr ID 023408M95; Motivi: Ndërhyrje e palejuar jashtë zonës së rreptësisë duke ia pamundësuar kundërshtarit mundësinë e shënimit të golit dhe nga gjyqtari ndëshkohet me karton të kuq. Sipas raporteve të zyrtarëve të ndeshjes.
-ndaj lojtarit të KF “A&N”, Arbutrint Morina me nr fanelle 18 dhe nr ID 002272M93; Motivi: Shanë gjyqtarin kryesor në ndeshjen A&N-Dukagjini (Grupi A). Gjyqtari kryesor e ndëshkon me karton të kuq. Sipas raporteve të zyrtarëve të ndeshjes.
-ndaj lojtarit të KF ”Dukagjini“ Ilir Syla me nr fanelle 6 dhe nr ID 002267M95; Motivi: Ndërhyrje e palejueshme ndaj lojtarit kundërshtar, në ndeshjen A&N-Dukagjini. Gjyqtari kryesor e ndëshkon me karton të kuq. Sipas raporteve të zyrtarëve të ndeshjes.
-ndaj ndihmëstrajnerit të KF “Dukagjini”, Artan Luzi nr ID 009724M71; Motivi: Pas përfundimit të ndeshjes ka provokuar kryetrajnerin e skuadrës vendase Megzon Visoka, duke e nxitur situatën, eskalimi i së cilës është evituar pas ndërhyrjes së kryetrajnerëve. Sipas raportit delegatit të ndeshjes.
-ndaj ndihmëstrajnerit të KF “Vëllaznimi”, Haxhi Kurhasku me nr ID 009817M70; Motivi: Në minutën e 85’ të ndeshjes Vëllaznimi-Malisheva (Grupi A) ofendoi asistentin e parë Ardian Ismajli. Sipas raportit të referit kryesor.
-ndaj KF “Vëllaznimi”; Motivi: Lëshim në organizim të ndeshjes, mos respektimi i masave anti Covid 19 si dhe zhvillimi i punimeve ndërtimore brenda stadiumit (tribuna) gjatë ndeshjes. Sipas xhirimeve televizive.
-ndaj lojtarit të KF “Onix” – Banjë, Albert Dreshaj me nr fanelle 8 dhe nr ID 000590M89; Motivi: Ndërhyrje brutale ndaj lojtarit kundërshtar për çka është ndëshkuar me karton të kuq. Sipas raportit të gjyqtarit kryesor të ndeshjes Vushtrria-Onix (Grupi A).
-ndaj portierit të KF “Liria“, Armend Ruxhi me nr fanelle 1 dhe nr ID 001266M85; Motivi: Lojë me dorë jashtë zonës së rreptësisë, duke e mohuar mundësinë e shënimit të golit. Gjyqtari e ndëshkoi me karton të kuq. Sipas raportit të referit të ndeshjes Liria – Drenasi (Grupi A).
-ndaj zyrtarit të KF “Vllaznia“ Pozharan, Arsim Ostergllava; Motivi: Ofendoi gjyqtarin kryesor në ndeshjen Vllaznia-KEK-u (Grupi B) me ç’rast u ndëshkua me karton të kuq. Sipas raportit të referit kryesor.
