Infantino: FIFA po shqyrton ndryshimin e rregullit për pozitën jashtë loje

Futboll

Infantino: FIFA po shqyrton ndryshimin e rregullit për pozitën jashtë loje

Më: 5 mars 2021 Në ora: 19:00
Gianni Infantino

Presidenti i FIFA-së, Gianni Infantino, ka deklaruar se FIFA është duke shqyrtuar mundësinë e ndryshimit të rregullit të pozitës jashtë loje.

Në Asamblenë vjetore të mbajtur në kuadër të IFAB, Infantino tha se FIFA po konsideron ndryshimin e rregullit të pozitës jashtë lojës.

Infantino deklaroi se idea e Arsene Wenger për ndryshimin e rregullit e ka inspiruar atë, dhe në fakt, FIFA është duke konsideruar ndryshimin e këtij rregulli sipas idesë së francezit.

Ideja e Wenger ishte se pjesët e trupit të cilat nuk mund të luhet, si p.sh duart ose krahët, nuk duhet të konsiderohet pozitë jashtë loje.

Rasti i fundit ishte me sulmuesin e Chelseat, Timo Werner, të cilit iu mohua një gol pasi u vlerësua se dora ishte në pozitë jashtë loje.

“Diskutojmë gjithmonë se si ta përmirësojmë futbollin”, tha ai.

“Rregulla e pozitës jashtë loje është ndryshuar vetëm dy herë në 135 vitet e fundit, por jemi të hapur për ndryshime që rrisin spektaklin dhe numrin e golave”, tha Infantino.

“Këto rregulla do t’ju jepnin më shumë liri sulmuesve, ishte një propozim i Arsene Wenger”, shtoi ai.

“Rregulli i ri do të mundësonte që lojtarët nëse kanë dorën ose ndonjë pjesë të trupit që nuk mund të shënojnë gol, atëherë nuk do të konsiderohej pozitë jashtë loje”, përfundoi Gianni Infantino.

Shfaq komentet
comments powered by Disqus
Sot mund të lexoni Shfletoni kopertinat