Prishtina gati për Llapin! Zyba: Do të vazhdojmë serinë e fitoreve

Futboll

Prishtina gati për Llapin! Zyba: Do të vazhdojmë serinë e fitoreve

Nga: K.G. Më: 5 mars 2021 Në ora: 19:47
Prishtina gati për Llapin! Zyba: Do të vazhdojmë serinë e fitoreve

Prishtina po përgatitet për sfidën e madhe, kundër Llapit nga Podujeva, në kuadër të javës së 23-të të elitës së futbollit të Kosovës. 

Bardhekaltrit kërkojnë fitoren e radhës dhe të janë sa më afër kreut të tabelës, ndërsa Llapi është i motivuar që të kthehet i pamposhtur. Prishtina renditet në vend të tretë me 44 pikë dhe Llapi është i shtati me 26 sosh.

“Pa dyshim që ndeshja kundër Llapit do të jetë shumë e vështirë, por në anën tjetër ne dëshirojmë vetëm tre pikë, asgjë tjetër.

Jemi duke kaluar në formë optimale, atmosfera është e shkëlqyer, kemi kapur ritmin dhe s’kemi pse mos ta vazhdojmë tutje.

Kuptohet, duhet dhënë angazhim maksimal dhe të kemi përqendrim të plotë.

Besoj shumë se do të vazhdojmë serinë e fitoreve duke i gëzuar të gjithë qytetarët prishtinas, ‘Plisat’ dhe adhuruesit e klubit anembanë vendit që më në fund të sjellim titullin e kampionit në kryeqendër”, ka thënë mesfushori, Qendrim Zyba për faqen e FC Prishtina.

Ndeshja luhet nesër në orën 13.00 në stadiumin “Fadil Vokrri” në Prishtinë.

Shfaq komentet
comments powered by Disqus
Sot mund të lexoni Shfletoni kopertinat