​Pas gabimit, Xhaka u kërkon falje tifozëve të Arsenalit

Futboll

​Pas gabimit, Xhaka u kërkon falje tifozëve të Arsenalit

Më: 6 mars 2021 Në ora: 21:45
Granit Xhaka

Mesfushori shqiptar, Granit Xhaka u ka kërkuar falje tifozëve për gabimin që i kushtoi skuadrës së Arsenalit.

“Më vjen keq për gabimin. Ky është futbolli dhe tani ndihem po aq i irrituar sa të gjithë ju” shkruan Xhaka.

Gabimi i mesfushorit shqiptar, i ka kushtuar me gol skuadrës së tij, Arsenal.

“Topçinjtë” barazuan 1:1 me Burnleyn në xhiron e 27-të të Premier Leagues.

Pierre-Emerick Aubameyang kaloi Arsenalin në epërsi në minutën e 6-të, para se Granit Xhaka në minutën e 39-të të godiste me top Chris Wood dhe topi nga ai të përfundonte në rrjetën e Bernd Lenos.

Në tabelë, pas 27 ndeshjeve Arsenali është i dhjeti me vetëm 38 pikë. Burnley ka 30 pikë me 28 ndeshje të zhvilluara.

Me gabimin që bëri në ndeshjen ndaj Burnleyt, ai u bë futbollisti me më së shumti gabime që kanë kushtuar me gol, në pesë sezonet e fundit. Siç shkruan faqja e specializuar për statistika në futboll OPTA, që nga sezoni 2016-17, Xhaka ka bërë më së shumti gabime që kanë kushtuar me gol, tetë herë, në krahasim me cilindo lojtar tjetër të ligës kryesore në Angli.

Shfaq komentet
comments powered by Disqus
Sot mund të lexoni Shfletoni kopertinat