Futbollisti Luiz Suarez si macja e zezë për Reali Madridin, por goli i tij nuk mjaftoi për fitore!
Atletico Madridi barazon me rezultat 1:1 me rivalin më të madh, Real Madridin.
Djelmoshat e trajnerit Diego Simeone ishin shumë afër fitores, por në minutën e fundit pësuan gol në stadiumin "Wanda Metropolitano" në Madrid.
Në minutën e 15-të Llorente asiston për bukuri, ndërsa Suarez nuk u mbulua si duhet nga mbrojtja, del ballë për ballë me portierin Courtois dhe shënoi për epërsinë (1:0).
Në minutën e 88-të, Karim Benzema barazon rezultatin dhe shmang humbjen e Realit.
Pas 26 jave Atletico kryeson me 59 pikë, ka një ndeshje me pak dhe tre pikë më shumë se Barcelona dhe 5 se Real Madridi.
Dramë e madhe po zhvillohet në Spanjë sa i përket luftës për titullin e kampionit, tri skuadra në garë të fortë.