Një histori vërtet e mistershme dhe që do bënte bujë të madh disa vite më parë ishte ajo që ndodhi në përballjen mes Malagës dhe Levantes. Futbollist portugez, Duda, do të kalonte bukur portierin dhe gjendej me portën e boshatisur për të dërguar topin në rrjetë.
Por lojtari i Malagës do t’i surprizonte të gjithë për të pasuar topin më kot, duke fal golin. I pyetur për atë që kishte ndodhur, Duda do të shokonte me deklaratën: “Kam parë një fantazëm. Dikush kaloi në rrugën time, nuk e di se çfarë ishte. Më verboi”, do të shprehej portugezi.
Një histori që rikthehet edhe në këtë sezon të “La Liga-s”, teksa në ndeshjen e Levantes ndaj Atletico Madrid, Correa do të humbiste mundësinë e artë duke e dërguar topin jashtë kuadradit nga vetëm 3 metra largësi.
“Zonja e bardhë” është emërtimi i besytnisë dhe forcës mbinjërëzore të Levantes që lidhet me ngjarjen e trishtë të vitit 2003 ku katër tifozë ndërruan jetë teksa po udhëtonin për të parë ekipin e tyre.
