Trajneri i Trepçës ‘89, Shpëtim Idrizi, ka thënë se Gjilani e fitoi me meritë ndeshjen.
Pas gjashtë ndeshjeve pa fitore, skuadra e Gjilanit u rikthye te fitorja nën urdhërat e trajnerit të ri, Ismet Munishit.
Në ndeshjen e vlefshme për javën e 25-të, “Skifterat” shënuan fitore 2-1 ndaj Trepçës ’89.
Pas ndeshjes, për mikrofonin e “Art Sport”, Idrizi u shpreh:
“E kam ditur se do të jetë e vështirë. Për një sulmues kemi nevojë, por pavarësisht jam i kënaqur me pjesën e dytë. Nuk i shfrytëzuam gjysmërastet dhe Gjilani dominoi. Kur nuk i shfrytëzon rastet edhe pëson, kështu që Gjilani me meritë fitoi ndeshjen".