Tifozët janë të zemëruar me Salah

Futboll

Tifozët janë të zemëruar me Salah

Më: 16 mars 2021 Në ora: 11:32
Tifozët janë të zemëruar me Salah

Ylli egjiptian, Mohamed Salah, është vazhdimisht në qendër të kritikave këtë sezon për shkak të simulimeve të shpeshta që ka bërë, në tentim për të fituar penallti apo gjuajtje të lirë në të mirë të Liverpoolit, shkruan Insporti.

Sulmuesi i Liverpoolit, mbrëmë bëri një tjetër simulim gjatë ndeshjes me Wolverhamtpon, të cilën skuadra kampione e fitoi me rezultat minimal 0:1.

Gjatë një dueli me qendër mbrojtësin e vendësve, Willy Boly, Salah rrëzohet në tokë pa pasur ndonjë kontakt të fortë më mbrojtësin e Wolves.

Ky veprim e tij ka ngjallur reagime të shumtë në rrjetet sociale, duke i zemëruar tifozët.

Me këtë fitore Liverpooli mban gjallë shpresat për një vend që siguron në Ligën e Kampionëve, pasi renditet në vendin e pestë me 46 pikë, pesë më pak se sa Chelsea që renditet në të katërtin.

commentFirst article
Sot mund të lexoni Shfletoni kopertinat