Kololli: Lëndimet asnjëherë nuk janë të lehta

Futboll

Kololli: Lëndimet asnjëherë nuk janë të lehta

Më: 18 mars 2021 Në ora: 11:19
Kololli: Lëndimet asnjëherë nuk janë të lehta

Benjamin Kololli u lëndua në mesin e dhjetori, dhe deri në atë moment ishte golashënuesi më i mirë i FC Zurich.

Tani Zurichu shpreson që të kthehet në formë në Superligën e Zvicrës, fuqishëm bashkë me Kolollin që mungoi për një kohë të gjatë.

Rikthimi i Benjamin Kolollit kundër Lausannes u bë pas saktësisht tre muajve.

Kololli ka munguar më shumë se në gjysmën e sezonit, ndërsa ishte në formën më të mirë kur pësoi dëmtim. Futbollisti i krahut, deri në xhiron e 11-t në udhëtim te Lugano, pati shënuar katër gola e dy asistime.

Pa “armën” në fazën ofenzive, Zurichu mori vetëm katër fitore në 14 xhiro.

“Jam shumë i lumtur që jam kthyer në fushë. Nuk jam ende 100% i përgatitur fizikisht, por kjo vjen me kohë. Do të bëj gjithçka që mundem që të marrim rezultate pozitive sërish. Dua me të vërtetë që të ngjitemi në top-treshe”, ka thënë Kololli për gazetën zvicerane “Blick”.

“Lëndimet asnjëherë nuk janë të lehta, gjithmonë dëshiron që të jesh në fushë. Ka qenë kohë shumë e vështirë për mua. Në karrierë, nuk kam pasur asnjëherë mungesë kaq të madhe”, nënvizoi reprezentuesi i Kosovës, duke shtuar se lëndimi ka kaluar, por se është normale që pas tre muajsh, ka ngecje në ritmin e lojës.

Megjithatë, ai shpreson që forma më e mirë të vijë shumë shpejtë. Kololli ishte në mesin e 27 futbollistëve të ftuar nga përzgjedhësi i Kosovës, Bernard Challandes, për ndeshjet e muajit mars.

commentFirst article
Sot mund të lexoni Shfletoni kopertinat