Real Madridi raportohet se është duke e menduar seriozisht rikthimin e Cristiano Ronaldos.
Los Blancos e shiten yllin portugez te Juventusi në vitin 2018, mirëpo gjërat për dy palët e fundit nuk kanë shkuar mirë.
Mbretërit duan ta rikthejnë golashënuesin e tyre më të mirë në histori, derisa Biankonerët e mendojnë projektin pa 36-vjeçarin.
Sipas asaj që raporton Cuatro, skuadra spanjolle është e gatshme që të ofrojë një shumë simbolike për transferimin e Ronaldos.
Po ashtu, pesë herë fituesi i Topit të Artë do të kishte një pagë të vogël te madrilenët, mirëpo rëndësia e tij do të ishte sërish e lartë në klub.
Ai do të nënshkruante kontratë njëvjeçare me mundësi vazhdimi edhe për një tjetër edicion.
