Duhet të përfitojë nga ndalesa e imponuar tek Interi nga koronavirusi për t’u afruar me kreun, që t’iu bëjë më shumë presion zikaltërve.
Ky është mendimi me të cilin Juventusi do të dalë në fushë kundër Benevento, të dielën pasdite. Bardhezinjtë kanë nevojë për fitore, që të mbeten në gjurmët e liderëve të kampionatit italian; për t’i garantuar vetes shanse në sprintin final, që të çon te ‘Scudetto’.
Marshimi drejt sfidës së nesërme filloi me lajmin e mirë të rimëkëmbjes së Bentancur, i cili e mposhti Covid-19. Ai do të jetë përsëri në gjendje të luajë, i grumbulluar. Sidoqoftë, duhet të ketë një vend në stol, duke qenë se Andrea Pirlo synon çiftin Arthur dhe Rabiot në mesfushë.
Trajneri i Juventusit, siç e ka bërë tashmë në ndeshjen fitimtare në Cagliari, do të projektojë ekipin e tij me një qasje shumë sulmuese. Përpara, si zakonisht, do të luajnë çifti Cristiano Ronaldo-Morata (Dybala duhet të jetë në dispozicion), ndërsa nga krahët e mesfushës do të jenë Chiesa dhe Kulusevski.
E gjitha kjo për një 4-4-2, me Federico Bernardeschi që kthehet majtas, në atë që tani është roli i ri, ngarkuar nga Pirlo. Për pjesën tjetër, Buffon është pak i favorizuar në balotazh me Szczesny, ndërsa vija mbrojtëse do të kompletohet nga Danilo (i cili do të zërë vendin e të pezulluarit Cuadrado në të djathtë), De Ligt dhe Bonucci.
